Kvikmyndaleikur !! taka 2

Og hvaða myndir eru þetta...

Kvikmyndaleikur!!

Hvaða myndir eru þetta?

Adsl Sjónvarp

Jæja næstum tveimur mánuðum eftir að ég flutti í nýja pleisið, þá er ég loksins kominn með ADSL sjónvarpið mitt aftur. Ég var búinn að vera í endalausum samræðum við símann um tenginguna. Þeir virðast ekkert vita í sinn haus. Endalaust bull fram og tilbaka, en núna er ég kominn með ADSL sjónvarpið mitt. :)
Helling af stöðvum og discovery rásin sem er mitt uppáhald. Stöð 2 er víst órugluð. Örugglega verið að reyna að lokka mann í áskrift, en þetta ollið því að ég sá bara þætti sem ég gæti hugsanlega downloadað mér bara sko...

Teapot

I am a little tepot.

Short and Stout.

Here is my handle

and here is my spout.

When I get all steamed up and start to shout

just tip me over

and pour me out.

Kuldaþol Íslendinga.

Gróflega stolið frá internetinu... og breytt... var víst um norðmenn til að byrja með...

 

+15°C

Fólkið á Spáni klæðist kuldaúlpum og þykkum vettlingum.

Íslendingar liggja í sólbaði. 

 

+10°C
Frakkar reyna af vanmætti að fá kyndinguna í gang.
Íslendingar planta blómum í garðana sína.

+5°C
Bílar á Ítalíu neita að fara í gang.
Íslendingar fara að gamni sínu í bíltúr á Saab druslunni.

0°C
Eimað vatn frýs.
Vatnið í Hvítá verður aðeins þykkra.

-5°C
Fólkið í Californíu frýs næstum til dauða.
Íslendingarnir grilla í síðasta sinn áður en veturinn skellur á.

-10°C
Bretar byrja að kynda húsin sín.
Íslendingar byrja að nota langerma boli.

-20°C
Götusalar byrja að flýja frá Mallorca.
Íslendingar enda miðsumarshátíðina. Haustið er gengið í garð!

-30°C
Grikkir deyja úr kulda og hverfa af yfirborði jarðar.
Íslendingar hætta að þurrka þvott úti.

-40°C
París byrjar að gefa eftir kuldanum.

Íslendingar standa í biðröð við pylsuvagnana.

-50°C
Ísbirnirnir byrja að flykkjast burt frá Norðurpólnum.

Íslenska landhelgisgæslan frestar björgunaræfingum, í von eftir alvöru
vetrarveðri.

-60°C
Mývatn frýs.

Íslendingar leigja sér spólu og halda sig inni við.

-70°C
Jólasveinninn heldur í suðurátt.

Íslendingarnir verða pirraðir því þeir geta ekki geymt brennivínið sitt úti.
Íslenska landhelgisgæslan setur í gang björgunaræfingar.

-183°C
Örverur í mat lifa ekki af.

Íslenskar kýr kvarta yfir handköldum bændum.

-273°C
Öll atóm staðnæmast vegna kulda!

Íslendingar byrja að tala um að það sé kalt úti.

-300°C
Helvíti frýs!

Ísland vinnur Eurovision!

Ahahaahaha!

ÉG segi nú bara gott á hann!

Ég er löngu búinn að fá leið á gaurum, með lítið undir sér, sem kaupa sér framlengingu með kröftugum bíl eða hjóli og keyra svo um og spæna upp allar götur og fjöll. Fjandans hljóðmengun segi ég.
350 þús. króna sekt og svipting ökuleyfis í hálft er bara flott! Hefði mátt vera meira!

Gallinn er að sumir sem eru sviptir keyra samt. Ætti bara að henda þessu liði í steininn og hirða af þeim farartækið. Ef þeir kunna ekki að fara rétt með það, þá eiga þeir ekki rétt á að keyra það.

350 þúsund króna sekt fyrir reykspólun

Myndavélar og bretar.

Ég rakst á grein á myndavélar og breska stöðumælaverði.
Svo virðist sem breskir stöðumælaverðir í Greater Manchester munu vera með myndavélar fastar við höfuðið sitt. Stöðumælaverðirnir munu ekki hafa samt mikið vald. Þeir munu getað sektað fyrir sóðaskap, hreinsa ekki upp eftir dýr og annað lítið dóteri. Þeir munu getað gefið út sektir upp á 80 pund og munu myndavélarnar taka upp "glæpinn" og vera notuð sem sönnunargögn.

Mér finnst bara að allar löggur ættu að vera með svona.
Ég held að það væri gott fyrir bæði almenning og lögreglu.
það myndi auðvelda sakfellingu glæpamanna í mörgum tilfellum og að auki færra sönnun á hvort misnotkun valds hafi átt sér stað. Myndi hjálpa við þjálfun lögreglu og að auki væri áhugavert að sjá hvernig er að vera lögga í gegnum þeirra sýn.

Lækkun skatta einstaklinga.

Stjórnarsáttmáli nýrrar stjórnar:

Svo virðist sem nýjasta stjórn Íslands stefni á að lækka skatta einstaklinga og fyrirtækja. Og hækka persónuafslátt. Auk þess mun ríkisstjórnin vinna að endurskoðun á skattkerfi og
almannatryggingum til að bæta hag lágtekjufólks og millitekjufólks.
"Unnið verði að einföldun almannatryggingarkerfisins. Samspil skatta, tryggingabóta, greiðslna úr
lífeyrissjóðum og atvinnutekna einstaklinga verði skoðað sérstaklega til að tryggja meiri
sanngirni og hvetja til tekjuöflunar og sparnaðar."

Gott mál verð ég að segja. Spurning bara hvort stjórnin mun standa við orð sín og ef hún gerir það, hvenær mun hún gera það? 3 mánuðum fyrir kosningar?

Ég er mjög hlynntur því að bótakerfi aldraðra og öryrkja verður lagað. Kerfið eins og það er núna fælir fólk frá vinnumarkaði. Að auki finnst mér alltaf skrítið þegar skattur er settur á bætur... 

Íslendingar taki forustu í baráttu gegn haf- og loftmengun

Sjónvarpsglápið

Ég er ein af þessum sem hefur gaman að því að horfa á Imbakassann með poppi eða snakki. Það er nú ágætis afþreying. Það er aftur á móti ekki góð afþreying að neyðast til þess að þurfa að laga lífið að dagskrá sjónvarpsins eða að vera neyddur að horfa á helling af auglýsingum í miðjum þætti. Það drepur niður alla stemningu. Og að auki hata ég sérstaklega langar og leiðinlegar auglýsingar. Eins og t.d. "Við elskum fótbolta" frá Landsbankanum eða allar þessar bílaauglýsingar eða tryggingarauglýsingar. Um leið og auglýsing kemur í sjónvarpi þá slekk ég sjálfkrafa á hljóðinu í imbakassanum. Auglýsingar eru sjón og hljóðmengun fyrir mér. Ég horfi ekki á þær og verstu og lengstu auglýsingarnar valda því að ég fer að fyrirlíta auglýstu vöruna eða fyrirtækið.

 
En internetið kemur manni nú til bjargar. Eins og flestir ættu að vita, þá er hægt að nálgast helling af kvikmyndarefni á netinu. Hvort það séu þættir eða bíómyndir. Ég nýti mér internetið til fulls. Ég sæki mér mína uppáhalds þætti á netinu. Horfi svo á þá í imbakassanum mínum þegar ég vil og án allra auglýsinga. Set á pásu þegar ég þarf og hef val hvað ég horfi á hverju sinni. Nokkrir miðlar hér á íslandi bjóða upp á svipað dæmi. Eins og til dæmis Skjárinn. Þar er hægt að leigja kvikmyndir í gegnum skjáinn og finna þætti til að horfa á. En þættirnir sem eru í boði eru því miður bara íslenskir og ekki það besta sem er í boði. Ég myndi veðja að Skjárinn myndi fá stóraukið áhorft ef erlent efni væri sett þarna inn. Ég myndi allavega borga fyrir það að horfa á þátt án auglýsinga og hafa þann möguleika að setja á pásu þegar það hentar mér.

Dagskrá sjónvarps er úreld aðferð. Nýta ætti tæknina sem er í boði til að bjóða íslendingum að fá að horfa á það sem þeir vilja, hvenær sem þeir vilja það og ÁN auglýsinga. 

 

 

10 ár.

Ég fékk símtal frá fyrrverandi skólafélaga úr M.S. í gær. Það eru víst 10 ár síðan ég útskrifaðist þaðan.
Reunion á  næstunni, allir að mæta og metast hve langt þeir hafa náð í lífinu, hverjir risu og hverjir sukku í leðjuna.

1997 var víst árið sem ég útskrifaðist og það munaði litlu að það hefði ekki verið það ár sko. Ég tók eitt fall með mér úr menntó, Þýskuna. Ég kynntist víst Rammstein og þýskum klámmyndum aðeins of seint.
Fólk segir oft að menntaskólaárin séu þau bestu sem maður upplifir og ég er nokkuð sammála því. Maður kynntist nýju fólki, nýrri reynslu, færð bílpróf, prufar áfengi í fyrsta skipti, byrjar að reykja og riðlast. Sumir jafnvel fyrr..
10 ár síðan... Shit. Það er nú ekki mikið sem maður hefur komið í verk á þessum 10 árum þannig séð. Ekki að ég sé að kvarta sko. Ég er nú háskólamenntaður, á mína eigin íbúð, bíl og tonn af dóti. Er í föstu sambandi og hef ferðast aðeins. Aldrei sokkið í neina gryfju, né gert mistök sem ég sé alvarlega eftir. Á góða vini og vandamenn. Frekar sáttur við lífið bara. Stefni nú að koma mér út í geiminn áður en yfir líkur... vonandi fyrir eftirlaunaaldurinn. Kíkja í geimhótelið sem stefnt er að byggja... ennþá nörd...