Föföföföföföstudagur.

Og ekkert djamm planað. Bara út að borða á föstudeginum og bjóða tengdó í mat á laugardeginum.

Þess inn á milli ætla ég að hanga í tölvunni og kíkja aðeins í ræktina... já og ryksuga kannski.  Ekkert djamm þessa helgi. Það eru hverfandi lýkur að ég muni gera eitthvað uppbyggilegt um helgina. Hef lengi ætlað mér að mála gluggakarmana en barasta nenni því ekki.

En já ég keypti mér árskort Gold kort í xbox LIVE. Það þýðir að ég get núna spilað online við bresk börn. Ég entist í 5 mínútur að hlusta á börn í mútum áður en ég slökkti á chattinu. Samt heyrði maður suma bara vera að spjalla um börnin sín og að reyna að hætta reykja í 3 skiptið. Það er víst ekki aðeins börn sem spila. Foreldrar þeirra virðast vera að spila líka.

Roll save Vs. Death

Failed!
Spurning hvort við fáum ekki Cleric til að "casta" resurrection?

Heh, ég man eftir því á yngri árum þegar maður spilaði D&D. Ætli maður hafi ekki þá fengið nördastimpinn á sig. Ber hann stoltur í dag. Man nú eftir löngum kvöldum og nætum spilandi D&D og éta snakk, gos og nammi, furða að maður sé ekki spikfeitur nú til dags.

Skapari D&D látinn

Buinn að vera lasinn

Ég er búinn að vera lasinn síðastliðna 5 daga. Svaka fjör. Algjörlega orkulaus með hita, beinverki, svitaköst og alles. Og ég er algerlega dottinn úr takti. eins og t.d. I´m fucking Matt Damon.  Það er bara orðið old news núna. Sniff. Já svo er ég með kvef núna. Svaka fjör.

Stefni á að vera búinn að ná mér fyrir helgina.

Slæm tímasetning á könnun.

Ég er nú viss um að niðurstaðan væri nú önnur ef þessi könnun væri gerð núna.

Veðrið í vetur hef ekki verið með besta móti eins og flestir hafa nú tekið eftir. Mun verra er að þurfa að vera sendur út í rigninguna og rokið að reykja eina rettu. Veðrið í september var víst allt í lagi ef ég man rétt. Rétt aðeins byrjað að kólna en lítið um rigningu.

Margt reykingarfólk er hlynnt reykingarbanninu, en illt er nú að reka það út í bleytuna. Nauðsynlegt að redda  skjóli fyrir reykingarfólkið. Við búum nú á Íslandi. 

Ánægja með reykingabann á veitingahúsum

World Class

Jæja ég er byrjaður í WorldClass. Byrjaði þar síðasta sunnudag, byrjaði á því að púla á cross-trainer í um 50 mínútur og svitna aðeins. Þetta var nú ekki svo hræðilegt. Þó ég hafi ekki hreyft mig að viti síðast liðna 8 mánuði eða svo, þá var þetta ekki svo erfitt.
Ég játa nú að harðsperrur eru aðeins farnar að segja til sín einmitt þegar ég skrifa þetta. En ég held að ég kemmst nú yfir þetta.

Það verður forvitinlegt að sjá hversu margir verða næst þegar ég fer. Það er víst fámennt á sunnudögum.

Vörugjald... Tollur... Virðisaukaskattur?

Ég var að láta mig dreyma að kaupa mér heimabíómagnara á 130 þúsund krónur fyrir stuttu. Mér fannst hann nú ansi dýr og fór aðeins að athuga verðið út í heimi. Fann magnarann á amazon á litlar 53 þúsund krónur.  Ég athugaði hvað það myndi kosta að fá hann hingað til landsins í gegnum shopusa og það kostar víst 57 þúsund krónur.  57 þúsund krónur!
Það er víst vörugjald, tollur og virðisaukaskattur og sendingarkostnaður.  Skattur, gjöld og tollar hafa tvöfaldað verð magnarans.
fáránlegt.
Svo fór ég aðeins að kíkja á vörugjaldið og rakst á þetta hjá Samtökum Atvinnulífsins.
Er ekki kominn tími til að afnema vörugjald?

Gott framtak

Ég lærði einmitt mína ensku af tölvuleikjum. King´s Quest, Space Quest, Heroes Quest og svipuðum leikjum. Þessir leikir kröfðust þess að maður myndi skrifa ensku til að framkvæma aðgerðir. Þetta var góð leið til að læra að skrifa rétta ensku. Seinna meir tók músin við og aðgerðir voru valdar.
Það er víst leikur og læra og allur lærdómur á að vera skemmtilegur, sérstaklega þegar maður ungur.

Læra í leiknum

Ég er víst feitur.

Amm en ekki með feita útlimi, eða feitan rass... bara víst með bumbu og Solla er ákveðin að ég eigi að losa mig við hana áður en ég fer til Tyrklands.
Ég var nú ákveðinn að fara að byrja að æfa í febrúar þessa árs og núna er hann víst kominn og ég nenni ekki að hreyfa mig. En maður verður víst að láta sig hafa það og byrja á þessu shitti.
Ég kíkti einmitt í World Class fyrir stuttu um sex leitið að kvöldi.
Ég hef ákveðið að ég ætla ekki í World Class um sex leitið að kvöldi. Það er friggin pakkað þarna. Og það var bara einn gaur þarna inni. Shit hvað hann var feitur.

Bada Bing! 

 

Tyrkland.

Jæja ég stefni á að fara til Tyrklands um mánaðarmótin maí júní með Sollu. Kíkja í viku og liggja í sólbaði. Hitinn stefnir í að verða um 24-25 gráður á celsíus en vatnið 15-18 gráður... Eh ég held að maður lifi þetta alveg af. Vonandi lendir maður bara ekki í einhverri helvítis rigningu.

Smáís og STEF ættu að lögsækja Google.

Þar sem Piratebay vísar bara í skrár til að deila, en geymir þær ekki á sínum serverum, er þá ekki Google að gera það sama?
Prófið að leita að að "Astrópía torrent" á  www.google.com

Hvað kemur upp? Torrent hlekkur til að ná í myndina Astrópíu.

Ég held að Smáís og STEF ættu að lögsækja Google og fleiri leitarvélar á netinu.
Þessar leitavélar eru augljóslega að auðvelda fólki deila tónlist og kvikmyndum.

Umsjónarmenn Pirate Bay ákærðir