Eric Clapton

Kíkti á Eric Clapton tónleikana í gær í boði Landsbankans. Fékk helling af bjór, hvítvíni og snittum í boði Landsbankans. Svo auðvitað fékk maður að sitja á rassinum í stúku með bjó, hvítvín eða snittur. Very nice I think. Mér líkar vel við VIP, ég mun aldrei standa í hjörð með plebbunum aftur!

Upphitunarbandið var allt í lagi. Smá fjölskyldugathering þarna auk Pétur Bens. Mér fannst hljóðið reyndar vera soldið lélegt en það hvarf með tímanum. Ekkert eftirminnilegt en ókey.

Clapton var góður í allastaði, snillingur á gítarinn, góður blús og skemmtilegur fílingur í öllu bandinu hans. Cocaine var frabært. Eini gallinn var að hann tók ekki lagið Layla. Margir voru hálffúlir út í hann vegna þess og vel fullir á VIP svæðinu. VIP RULES!

Það var nú vel heitt á tónleikunum, þegar maður kíkti á VIP klósettið og kom svo inn á tónleikasvæðið, þá tók við manni sterk svitafíla og mikill hiti, gott að ég hafði VIP bjór og vatn til að kæla mig niður.

Yawn

Jæja, núna er ég búinn að vera um 5 daga í vinnu án þess að fá mér kaffi. Ég fæ mér reyndar stundum einn kaffibolla á morgnanna heima svona rétt fyrir vinnu en ekkert kaffi í vinnunni.
Maður er nú soldið að sofna hérna en kalt vatn eða ávextir geta vakið mann aðeins. Það er nú náttúrulegur sykur í ávöxtum sem vekur mann aðeins og kalt vatn vekur alla.

Ég er víst á leiðinni á Eric Clapton tónleikana. Með VIP miða meira að segja. Það þýðir víst að ég fæ að fara í veislu fyrir tónleikana og éta snittur og drekka áfengi með dúddinum. Ætti að vera áhugavert.

You are going straight to hell!!

Bora í vegg.

Það er mjög merkilegt að bora vegg. Sérstaklega þegar ég geri það og Solla brýtur saman þvottinn.
Makes me feel all manly.

Loksins búið að mestu að taka till inni í vinnuherberginu eins og Solla vill kalla það. En hún vill(og ég er sammála) að ég flytji Xbox leikjatölvuna þangað inn. Þá er sko ekki hægt að kalla það vinnuherbergi. Frekar Game Room eða "Solla er að horfa á Neighbours" herbergi...

Fór ekkert um helgina. Var í bænum í frekar rólegu stöffi þó maður hafi nú keypt áfengi fyrir 8000kr. Smá partý hjá Hildi og svo gestir. Sem sé nóg að gera sko.... og drekka.

Jæja ég er farinn að draga úr kaffineyslu. Alveg hættur að drekka kaffi í vinnunni. Einn kaffibolli á morgnanna heima og svo ey meir... Zzzzz

Mig langar í kött

Back in the chair of DOOM!

Þ.e.a.s. ég er farinn aftur að vinna.

Held að ég hafi sofnað eitthvað eftir 2 í nótt. Steikjandi hiti alltaf á kvöldin. Átti erfitt með að sofa.
En er samt fínn í vinnunni eins og stendur. Það voru bara um svona 50 tölvupóstar sem biðu eftir mér. Ekkert svo rosalega svakalegt.

Held að það sé bara ágætt að komast aftur í vinnuna. Ná smá reglu á lífið aftur. Maður sekkur stundum í óreglu í fríi. Sefur fram á hádegi og hanga fyrir framan imbann langt fram á nótt étandi snakk og rusl.

 

Ók fram hjá þessu.

Reyndar þegar þeir voru af hífa hjólið upp á risastóran pallbíl. Sem að auki tók heila akgrein.
Fáránlegt segi ég nú bara. Argasta leti í fólki. Þetta er eitt bifhjól með tveimur dekkjum. Rúlla þessu bara upp að veg og skella þessu á einn nettan pallbíl.

Já, eitt að auki. Ég var næstum búin að keyra á einhvern hálfvita sem var í einhverju hjóla kajak farartæki út í kanti á veginum. Hann náði varla metra upp frá jörðinni. Maður tók varla eftir honum.
Frekar kýs ég hjólamenn.

Fauk af bifhjóli undir Hafnarfjalli

Brilljant Eatpes

     

 

Hægt er að sjá meira stöff af svipuðum toga hjá eatpes

 

Frí.

Næsta föstudag kemst ég í frí. Vúhú! Ég byrja fríið á því að vera fullur. Fyrst í Flatey og svo hérna í Reykjavík... Svo bara er ég ekki alveg með á hreinu hvað ég á að gera af mér. Ég er búinn að fara út í ár. Fór hringinn síðasta ár. Kannski maður haldi sig bara í Reykjavík eða í bústað við Laugavatn. Rölta aðeins um í kring þar. Fara í bláa lónið. Slappa barasta af. Eins og ég gerði síðustu helgi. Heitur pottur og bjór. og svo brúnka og þynnka... bara fyrsta daginn sko. Og líka smá experiment með Bailyes og bjór... Ég mæli ekki með því að fólk drekki Bailyes og bjór saman.

Kannski maður verður bara í bústaðnum og vinni aðeins í garðinum þar.. eða maður máli nú blessaða gluggakarmana heima... dytta aðeins við heima. Eða ég skelli mér í fallhlífarstökk.

Góð helgi.

ÉG og Solla kíktum upp í bústað við Laugavatn um helgina. Tekið var með nóg á grillið og nóg til að væta kverkarnar. Sólinn skein alla helgina og bæði eru ég og Solla smá brunnin eftir hana. Unaðslegt veður allan daginn, fór á tímabili upp í 25 stiga hita. Maður fagnaði smá vindi.
Grillið stóð sig líka mjög vel, bjórinn kom sterkur inn líka.

Við fórum heim um svona átta hálf átta. Það var smá umferð frá laugarvatni og frá Selfossi en svo þegar við komum að litlu kaffistofunni þá stoppaði allt. Hraðinn var frá 0 til 30 km/klst. Þetta var nánar uppi á brekkunni, í tvöfölduninni þar sem allt stoppaði. Flestir voru góðir og voru bara á hægri akreininni og ekkert að reyna að troðast en sumir voru rassgöt og hálfvitar og reyndu að troða sér fremst í röðina. Einn gaur á risa upphækkuðum risa dekkjum stera jeppa fannst það fólk sem gerði þetta fólk vera fífl og ákvað bara að blokka vinstri akreinina svo að enginn gæti ruðst fram í röðina. Gott Framtak.

Strax eftir að maður komst framhjá Kaffistofunni fór hraði upp í svo 70 til 80 km hraða. Þessi ferð tók bara auka hálftíma. Ekki svo hræðilegt.