Harðsperrur dauðans.

Ég hreyfi mig þessa daganna eins og gamalmenni. Sest niður varlega og emja aumingja. Síðustu skipti sem ég hef farið í ræktina hef ég verið fremur latur að æfa lappirnar. Finnst það bara svo hundleiðinlegt. 
Fyrir stuttu ákvað ég að breyta aðeins prógraminu, gera það sem er kallað circuit training. Þá þjálfar maður hratt margar æfingar með sem minnstri hvíld milli æfinga og endurtekur svo 2-3 eftir nokkra mínútu hvíld. Maður svitnar eins og andskoti af þessu.
 Ég ákvað í leiðinni að breyta öllum æfingunum, hrista aðeins upp í þessu svona... Bætti við lunges. Lunges er langt skref á áfram, beygja hnéin í um 90 gráður og svo svo til baka. Jane Fonda mælir með þessari æfingu til að fá flottann rass... Og já, það tekur vel á rassinn og lærin. Ég get varla sest niður án þess að emja.