Hollow Charlie Chaplin illusion

I Think my Brain is Damaged

Spinning babe illusion.

Við fyrstu sýn þá virðist sem veran á myndinni sé að snúast frá vinstri til hægri.
En það er hægt að snúa við snúningnum.
Til að snúa við snúningnum þá þarftu að horfa á skuggann í nokkrar sekúndur. Svo hægt og rólega horfðu ofar á myndina. Áður en þú veist af þá er myndin farin að snúast í hina áttina.

Japanskt sjónvarpsefni.

Íslendingar hafa mjög gaman að því að apa eftir öðrum þjóðum. Sérstaklega þegar kemur að sjónvarpsefni. Og þá sérstaklega Bandaríkjamönnum. Við erum með Idol, X-factor, Bachelor, Allt í drasli og fleiri.. Svo eru nú líka Strákarnir og Punked. Hvernig væri nú að einhver myndi reyna að verða smá frumlegur og fara að apa eftir Japönum. Japanir gera mjög furðulega og skemmtilega sjónvarpsþætti. Hægt er að finna fjöldann allan af þessum þáttum á youtube og það er hressandi að sjá eitthvað sem maður hefur ekki séð 100 sinnum áður.

Hér eru nokkur dæmi um japanska sjónvarpsþætti.

 

En það er nú spurning með Íslendingana hvort þetta sé bara of mikið brjálæði. Þetta er nú "gameshow" og ég hef ekki séð þannig í langan tíma... ja... fyrir utan Villtu vinna milljón... apapapa.

Það er gaman að bregða fólki.

Ég geri það stundum, oft viljandi og stundum bara óvart. Saklaust gaman, aðeins að leyfa fólkinu að fá hjarta sitt til að slá. Hef meira að segja lesið einhverstaðar að það sé heilbrigt.

Ég rakst á þetta á youtube. Enjoy.

Thank Me It´s Friday!

Ég var að átta mig á svolitlu þegar ég var að skrifa fyrirsögnina. Ég er guð. Ég sagði reyndar einu sinni á skemmtistaðnum Gauk á Stöng öllu fólkinu þar að ég vær gylltur Guð. Ég var reyndar búinn að drekka helling af áfengi. Höddi félagi minn var vitni af þessu spyrjið hann nánar út í það. Ég var eitthvað óvenjuglaður þann dag.

Í dag er föstudagur, flöskudagur í huga margra. Þetta er síðasti vinnudagurinn í vikunni, þetta er dagurinn sem okkur er sleppt lausum. Þetta er dagurinn sem margir taka sig til og innbyrgða marga lítra af áfengi, reykja tvo pakka af sígó, lenda í heimskum umræðum, lenda í götunni og stundum, eins og Rökkvi félagi minn sagði eitt sinn, lenda í brussu.

Rökkvi var á tímabili alltaf að senda mér og félögum mínum sms, í hvert skipti þegar hönum tókst að fylla stelpu það mikið að hún svaf hjá honum. TölvunarfræðiSKOR var sms-ið. Rökkvi var alltaf að eltast við mjög feitar stelpur á tímabili.. Hann sagði að þær væru honum alltaf svo þakklátar...

Ég er að pæla í því hvort ég eigi að gera eitthvað af mér í kvöld. Hitta mína vini og taka mig smá til og drekka marga lítra af bjór. Reykja tvo pakka af sígó, lenda í heimskum umræðum... Held að ég láti einhverja aðra um að lenda í götunni og brussu... Stefni bara á að lenda í þynnku...

UHF

Langt síðan maður hefur séð þessa mynd. Var allavega snilld á sýnum tíma.
Spurning hvernig hún hefur elst...

Ugh

Mig vantar nýjan tölvuleik til að hanga í. Ég er nýbúinn að klára Oblivion og vantar einhvern annan massívan tölvuleik til að eyða mínum tíma í. Ég vil fá sterka og lýsandi sögu.
Ég vil eiginlega fá að spila PlaneScape:Torment, KOTOR, Fallout, Baldur´s Gate, Ultima IV og fleiri leiki aftur. Eina sem virðist koma út núna eru Japanskir RPG leikir og heiladauðir skotleikir. Japanskt RPG er bara skrítið. Einhverir karakter með blátt spiky hár, haldandi á risasverði, virkandi hálf þunglyndir, kvnelegir í útliti er bara lame.. Engin persónusköpun, bara hor. Allt í lagi með skotleiki en stundum vill maður ekki fá hjartaáfall þegar maður vill slappa af í tölvuleik. Ég held að tími RPG leikjanna sé búinn. Fólk hugsar ekki lengur.. vill bara sýna walkmans og MTV.... Kannski er ég að verða of gamall fyrir tölvuleiki... nah...

Þetta var smá nördapóstur.

Já... meðan ég man, hvað er með það að Hyundai sé frá suður-Kóreu!

Back in the Chair of DOOM!

Eða þannig, er reyndar bara farinn að vinna aftur eftir sumarfrí. Vaknaði hress, korter yfir sjö í morgun og fór á fætur korter í átta. Soldið erfitt að koma sér í gang eftir að vera búinn í fríi í mánuð. En ég druslaði mér út í bíl og kom mér í vinnunna. Fyrsta sem þurfti að gera var að kveikja á helvítis kaffivélinni. Og svo fixa tölvuna mína.Windows Vista er sko að standa sig.... jú jú, alveg að virka. Bara óþolandi ef maður gerir eitthvað sem Microsoft telur vera hættulegt, eins og að opna task manager, þá þarf maður að setja inn notendanafn og lykilorð... mikil hætta á ferðum.  Núna sit ég hér og læt mér leiðast, Outlook er að syncroniza sig og uppfæra inboxið mitt. Hvað annað getur maður gert en að blogga smá bull? Hmm, ég gæti svosem farið að vinna... en það er mánudagur... maður á bara að þykjast vera að vinna sko.

heh, eftir þrjá mánuði verð ég kominn á fertugsaldurinn... An old man, yet none the wiser.

Iceland Stand-in-Lines

Ég hef farið núna í tvö ár á Iceland Airwaves og skemmt mér konunglega í bæði skiptin. Erlendir tónleika gestir segja nú að þessi hátíð mætti vera skipulögð betur. Margir gestanna eyða víst ansi miklum tíma í að standa í röðum. Sjálfur hef ég alltaf rétt sloppið við allar þessar löngu raðir, hef oftast bara verið hausinn á löngum ormi, sem vefur sig síðan um götur og byggingar. Ég vona að skipuleggjendur reyni að fixa þetta vandamál því þessi hátíð er mjög skemmtileg og gott er að kynnast nýjum hljómsveitum sem koma þarna fram. Hún mætti nú líka vera aðeins fyrr á árinu. Hellst um sumarið. Það getur verið svolítið kalt að standa í röðum.

Á áttunda tug hljómsveita og listamanna hafa staðfest þáttöku í Iceland Airwaves

Banna Trampólín!.... djók

Allavega þegar áfengi er við hönd. Ég á nokkra vini sem eiga trampólín og fólk virðist kjósa að stökkva á það þegar það er orðið ágætlega ölvað. Svoddan heimska ef maður gætir sín ekki. Trampólín er skemmtilegt tæki, ennþá skemmtilegra þegar áfengi er við hönd. Sérstaklega þegar maður sér einhverja hálfvita stökkva á trampólín og enda svo í rósarunna eða upp á vegg.

Karlmaður slasaðist á trampólíni