Mánudagur...

Það virðist vera soldið erfitt að koma sér í gír aftur eftir allt jólaletið. Svefninn er raskaður og maður gengur fyrir kaffi þessa dagana. Þarf að kippa þessu í lag.

Stefni nú á næstunni að versla mér kort í World Class. Spurning hvort maður eigi að vera einn af þessum sem mæta eftir áramótin með áramótaheitið með sér í buxunum. Margir þeirra byrja og hætta 1 mánuði seinna. Nýbúnir að versla árskort. Flestir fara of hratt af stað. Ætlast til of mikils. Las víst einhverstaðar að það sé best að byrja í febrúar. Jólastressið á bak og burt og margir hættir í ræktinni. Ekki jafn mikil asi allstaðar.
En hvað veit ég... langt síðan ég hef varið í líkamsræktastöð. Fannst alltaf best að stundalíkamsrækt heima.

En já, það er mánudagur... Held að ég reddi mér stólpípu af kaffi.

THIS MACHINE HAS NO BRAIN, USE YOUR OWN!

Hamar slasar þumal...  Fólk verður að fara varlega í kringum tæki. Ekki hægt að kenna verkfærum um...

Vélmenni slasaði starfsmann

Nýtt ár, ný áramótarheit.

Nennir maður því nokkuð? Nennir maður virkilega að reyna að bæta sig eitthvað á þessu ári. Á maður að hætta að reykja? Á maður að hætta að djamma? Á maður á rusla mínum feita rass í ræktina og hlaupa og svitna eins og hálfviti. Á maður að koma sér tímanlega í rúmið á kvöldin? Á maður að fara oftar út með ruslið?
Nennir maður því? Eins og stendur alls ekki... kannski hefur það eitthvað með það að gera að ég var reykjandi og drekkandi um áramótin... hef ekki farið í ræktina í marga mánuði og ákvað að fara að sofa þegar klukkan var að ganga 4... Fór reyndar út með ruslið.... en bara helminginn af því... ég hef bara tvær hendur.

En maður ætlar víst að fara að taka sig á í ræktinni. Skella sér í World Class og hlaupa og lyfta lóðum þar til ég æli af ánægju.

Má þá ekki tala í bíl?

Ef það er innihald samtalsins sem skiptir málið, má fólk þá yfir höfuð tala saman í bíl? Tvær manneskjur að spjalla saman í bíltúr. Hlýtur að vera hættuleg blanda.
Hvað með útvarpið. Augljóslega má ekki hafa kveikt á útvarpinu. Það gæti komið háalvarlegt lag eða umræður sem gætu truflað bílstjórann. Hmm banna líka stór auglýsingaskilti hjá vegum. Það gæti truflað bílstjórann. Bönnum líka flotta bíla, það truflar. Enga sól, hún truflar. Burt með veðrir í heild. það truflar.
Og svo er best að aðlaðandi einstaklingar haldi sig innandyra. Þeir mega ekkert sjást í umferðinni, hætta er að bílstjóri truflast af ást.

Held að það væri auðveldara að fjarlægja bara bílstjórann.

Handfrjálsir farsímar hættulegir

Maður verður að sanna ást sína.

Er það ekki sem kaupmennirnir eru að reyna að segja okkur? Sendandi endalaust mikið af auglýsingum til okkar. Oftar en ekki einhverjir hlutir sem maður þarf ekki eða hefur ekki efni á.

Ég eyddi nú miklu meiri peningi í jóagjafir á síðasta ári en ég mun gera núna. Stefni allavega vega á það sko... en já ég er í þessum pakka 40 til 50 þúsund.
Það er nú aðeins meira en ég vildi, en ég held að allir munu nú hafa not af þessum gjöfum. Vonandi.

40% kaupa dýrari gjafir en þeir vilja

Ekki bara stela... fá líka lánað yfir helgi..

Ég hef unnið sem sem lagermaður fyrir nokkrar stórar fatabúðir hér á landi. Eitt sem ég tók eftir var að mikið af fötum voru keypt rétt fyrir helgi og svo skilað aftur næsta mánudag. Þannig að einhverjar buxur eða jakkar eða sexy brjósthaldari eða naríur  voru með aðeins meiri notkun en maður ætti von á. 
Starfsfólk keypti fötin með afslætti fyrir helgina, djammaði, svitnaði og annað í fötunum yfir helgina, skellt í smá þvott og svo aftur upp í hillu búðarinnar næsta mánudag.

Starfsfólk stelur helmingnum

Meiri uppl. á visir.is... ég stel... er ekki að auglýsa visir.is...

 Flugmaður segir líkamsárásardóm rugl

Héraðsdómur Reykjavíkur dæmdi í dag Jens R. Kane, flugmann hjá Icelandair, í átta mánaða óskilorðsbundið fangelsi fyrir ofbeldi gagnvart fyrrverandi unnustu sinni, á heimili þeirra þann 23. janúar síðastliðinn.

Stúlkan, sem er spænskumælandi, bar fyrir dómi að Jens hafi slegið hana og sparkað í bakið á henni. Hún hafi flúið inn á baðherbergi og læst sig inni. Þá hafi hann sparkað upp baðherbergishurðinni, gripið um háls hennar með annarri hendi og haldið fyrir munn hennar með hinni. Á þessum tímapunkti hafi hún ekki getað andað og þá hafi hún bitið hann í hendina. Hann hafi þá tekið kverkatak á henni með báðum höndum og slengt henni upp við vegg þannig að stúlkan missti meðvitund. Nágrannakona hafi síðan komið henni til hjálpar.

Stúlkan sagði jafnframt fyrir dómi að hún hefði átt erfitt með að ná sér eftir þetta kvöld. Henni hafi bæði verið illt í baki og hún fengi reglulega martraðir. Hún hafi einnig átt erfitt með að tengjast fólki eftir atburðinn. Auk fangelsisdómsins var Jens dæmdur til að greiða stúlkunni 500 þúsund krónur í skaðabætur.

Jens gagnrýnir dóminn harðlega og segir að honum verði áfrýjað. „Þetta eru upplognar sakir sem dómarinn hefur ákveðið að kaupa einhliða. Þetta er svona svipað og ef kvikmyndagagnrýnandi gengur út af mynd í hléi en ákveður samt að gefa myndinni fimm stjörnur," segir Jens.

Í ágúst síðastliðnum birtist viðtal við stúlkuna í Morgunblaðinu þar sem hún hélt því fram að unnusti sinn hefði smyglað sér inn í landið í gegnum starfsmannahlið en því hefur Jens einnig neitað.

 

Hlekkur 

8 mánaða fangelsi fyrir árás

Nánari uppl. á visir.is sem ég gróflega stel...

42 ára gömul kona var dæmd í Héraðsdómi Reykjaness í morgun til þess að greiða 150.000 krónur í sekt til ríkissjóðs fyrir að hafa tekið aðra konu kverktaki á skemmtistaðnum Players í Kópavogi.

Stúlkan sem varð fyrir árásinni var stödd á dansgófli Players þegar hljómsveitin beindi til hennar óskalagi. Stúlkan var að halda upp á afmælið sitt og gekk upp að sviðinu til þess að athuga hver væri að senda henni óskalag þegar konan kom að henni og byrjað að ýta og reka olnbogana í hana. Stúlkan gekk þá í burtu en konan hélt áfram að áreita hana, hún hafi þá spurt hvað henni gengi til þegar hún hafi skyndilega „hert að barkakýli hennar".

Í lögregluskýrslu segir stúlkan að hún hafi verið að líða útaf þegar hún sá svartklædda treyjuermi dyravarðar slíta hendi konunnar frá hálsinum. EFtir það datt hún út og man næst eftir sér inni í eldhúsi, þar sem hún var að reyna að ná andanum.

Konan neitaði fyrir rétti að hafa ráðist á stúlkuna en viðurkenndi að hafa verið á Players þetta kvöld. Dyravörðurinn er þess hinsvegar fullviss að það hafi verið þessi kona sem hafi reynt að kyrkja stúlkuna. Í niðurstöðu dómsins segir:

„Árás ákærðu var ófyrirleitin og algjörlega án tilefnis eftir því sem best verður séð. Þegar á hinn bóginn er haft í huga að hún hafði óverulegar afleiðingar í för með sér og jafnframt litið til þess að ákærða hefur ekki áður sætt refsingu þykir mega láta við það sitja að gera henni sektarrefsingu, sem að atvikum virtum þykir hæfilega ákveðin 150.000 krónur. Verði sektin ekki greidd innan fjögurra vikna frá birtingu dóms þessa skal ákærða í hennar stað sæta fangelsi í 12 daga."

 

Hlekkur 

Sektuð fyrir hálstak

3|d64m4|7 0rð?

Þetta er bara leet speak. samblanda af orðum og tölvustöfum. Eitthvað sem nördar nota. Skrifað með tveimur núllum en ekki o-um. Ég hélt reyndar að þetta þýddi "Wow, Loot" og kæmi úr mmorpgs.

Skrítið samt að þetta sé orð ársins þar sem þetta orð er búið að vera ansi lengi í notkun, held nú að fólk sé almennt hætt að nota það.

og svo til gamans smá l33t speak. 

Þ3774 3r b4r4 |337 5p34k. 54mb|4nd4 4f 0rðum 06 70|vu57öfum. 3177hv4ð 53m nörd4r n074. 5kr1f4ð m3ð 7v31mur nú||um 3n 3kk1 0-um. É6 hé||7 r3ynd4r 4ð þ3774 þýdd1 "W0w, |007" 06 kæm1 úr mm0rp65.

5krí71ð 54m7 4ð þ3774 5é 0rð ár51n5 þ4r 53m þ3774 0rð 3r bú1ð 4ð v3r4 4n51 |3n61 í n07kun, h3|d nú 4ð fó|k 5é 4|m3nn7 æ77 4ð n074 þ4ð. 

„w00t“ valið orð ársins

Ekkert nýtt í þessari frétt. Meiri uppl hjá National Geographic.

Það hefur verið vitað lengi hvernig norðurljósin myndast. En ekki hvernig litirnir koma. Ég tók mig til og leitaði að grein um þetta mál. Fann eina hjá National Geographic Þar kemur fram að meira er verið að tala um nánari upplýsingar um samband segulsviðs jarðar, sólarinnar og norðurljósa. Hvernig sólarvindarnir koma til jarðar og fleira.

Þessi grein er ekki nýjar fréttir en hún hefði getað verið það.

Telja orkuuppsprettu norðurljósanna fundna