Its friggin cold outside

4.2.2009 | 09:30

Svo kalt út að rúðupissið var eins og lýsi. -11 friggin gráður í Árbænum, svo þegar komið er niður í bæ þá er kuldinn um -8 til -9 gráður.

Jæja ég er víst skráður í Lífshlaupið. Held ég stefni bara á að halda áfram að hreyfa mig eins og venjulega, 3 - 4 sinnum í viku. Nenni ekki að vera að auka þetta eitthvað út af einhverri keppni sem er milli starfsmanna í fyrirtækinu. Sérstaklega þar sem treyst er á að fólk segir sjálft um hversu mikið maður hreyfir sig. Sumir ýkja kannski... "það tók mig hálftíma að komast á fætur, mjög erfitt".... ókey og eru veruleikafirrtir.

En já, kærastan er komin með nýtt gifs. Það nýja er rautt, léttara og meira pæjulegra. Solla þarf víst að vera með gifsið aðeins lengur en við áttum von á. Ég held við lifum það af.

Já svo tók ég eftir því að krónan hætti að styrkjast eftir að nýja ríkisstjórnin tók við... Og þessi stjórn virðist ekki vita hvað hver meðlimur vill eða hvað er í gangi. Orðin "Minn skilningur" virðist vera ansi mikið notað. já og skoðanakannanir sýna að sjálfstæðisflokkurinn virðist vera standa sig ennþá. Interesting times.

Já ég kláraði Prince of Persia, flottur leikur, of auðveldur, sorglegur endir. Góður leikur.

Flokkur: Bloggar | Facebook