Leiðrétting á frétt.

"Skötuilmur á Baldursgötunni"´
Ætti að vera: Skötufnykur á Baldursgötunni.
Eða: Ólíft á Baldursgötunni.
Eða: Baldurgata ófær vegna skötu.
Eða: Baldurgata lokuð af vegna Úlfar.
Eða: Úlfar eldar ólifnað meðal þriggja frakka.
Eða: Veitingarhús lækkar fasteignarverð með lykt....

Eða: Bandbrjálaður maður eldar skötu! 

Skötuilmur á Baldursgötunni

Góð hugmynd.

Legg til að þetta verður sett í lög hér á landi.
Ekkert meira óþolandi en að vera á horfa á eitthvað afslappandi og svo kemur ærandi McDo... Metro auglýsing eða Dominos auglýsing.´

Ég er ósjálfrátt farinn að mute-a sjónvarpið þegar ég auglýsingar byrja. Hávaðinn er farinn að fæla mann frá því að taka eftir auglýsingunum.

Banna háværar sjónvarpsauglýsingar

Rífum niður Breiðholtið.

Og flytjum alla íbúanna í nýju íbúðirnar. Breiðholtið er sko að hrynja niður. Margar byggingarnar leka og allt í hassi.

Breytum svo þeim blokkum sem eru í bestu standi í fangelsi fyrir glæpaliðinn.

Óseldar 4.400 íbúðir

Hvernig væri nú...

Að spyrja Slitcher88, gaukinn sem setti inn myndbandið. Held nú að sá gaukur viti eitthvað um þetta.
Ef marka má Youtube siðu hans þá má áætla að hann heiti Skúli Andrésson og ef marka má já.is þá býr Skúli í Djúpavogi...

Djarfur hrekkjalómur á Djúpavogi

Þessi þarf að læra að leggja.

Meh

Geisp og gól á mánudegi. Eins og venjulega. Kaffi og meira kaffi og svo aðeins meira kaffi og maður er orðin starfshæfur. 
Núna er bara ein vika þar til ég kemst í frí!. Kannski ég klári að mála gluggakarmana... ætlaði reyndar að mála þá þegar ég flutti inn fyrir um... 3 árum... en hey... maður þarf ekki svo rosalega að vera að flýta sér mar.

Eldhúsið og flísarævintýrið er að ljúka. Mun vonandi ljúka næstu helgi þegar brósi kemur og klárar verkið.... Leiðréttir kannski smá mitt verk í leiðinni. Eina sem þarf að gera er að skella niður gólflista, setja sökkul á innréttinguna og svo saga nokkrar flísar... þessar nokkrar flísar þarf stöðuga hendi í... og gott sagblað... hafa þetta beint...

Jæja pabbi er nýorðinn 70 ára... eða 1000 ára gamall eins og barnabarn hans sagði. 
við gáfum honum veiðidót í stað harmonikku, öllum til mikillar gleði.

Banna allar sakamálabækur!!

Þessi frétt sýnir augljós tengsl milli morða og lestur sakamála bóka!! Fólk fær hugmyndir um hvernig eigi að framkvæma morð og fela ummerki sín!!
Ég legg til að málsókn verður hafin á öllum íslenskum sakamálahöfundum til að vernda almenning fyrir þessu drápskennurum!!
Að auki legg ég til að haldin verður bókabrenna! Best er að losna við þessar morðkennslubækur áður en illt verður verra!!!

Framdi morð í stíl Agöthu Christie

Yawn.

Djöfull nennir maður ekki að vera blogga þessa dagana. Kannsk hefur maður ekkert spennandi að segja. Ekkert nema hið augljósa. Sól, hiti, evróvision og aðgerðarleysi ríkisstjórnarinnar.

Hmm jú kannski eitt.... Ég er búinn að panta flísar í eldhúsið. Það er fræðilegur möguleiki að eldhúsið klárist á þessu ári...

Játning.

Ég horfði á vampírumyndina Twilight í gær.

Þetta er með verri myndum sem ég hef séð í langan tíma.
Unglingavampíru mynd með engu blóði né brjóstum er barasta ekki að meika það.
2 tímar að lengd. Tveir tímar af helvíti. Tveir tímar af lélegum samræðum. Tveir tímar af fölum unglingum. Tveir tímar af helvíti. Ég dó smá innra með mér.
Sagan fjallar um einhverja stelpu sem flytur í smábæ, verður hrifin af vampíru sem glóir í sólarljósi og spilar hafnabolta í þrumuveðri. Forboðin ást vegna hungur hans og lélegt makeups. Svo eru einhverjar vondar vampírur þarna. Allt eitthvað hálf lélegt og langdregið.

Whose line is it anyway?